Меѓународниот монетарен фонд очекува дека Грција ќе го врати долгот од 1,5 милијарди евра, и тоа до истекот на рокот, 30. jуни.
„Очекуваме исплатата да биде извршена до 30. jуни, а тоа е она што грчките власти го кажаа и јавно“, рекол портпаролот на ММФ, Џери Рајс.
ММФ додаде дека ќе остане флексибилен во преговорите со Грција и негираше дека на таа земја ќе и биде поставен ултиматум.
„ММФ никогаш не поставува ултиматум „земи или остави“. Ние тоа не им го правиме на нашите земји членки. Тоа што го правиме е „нешто даваме во замена за нешто друго“, изјави Рајс.
Грција на почетокот на месецот постигна договор да и се продолжи рокот за враќање на долгот до 30 јуни.
Рајс изјави дека Грција нема да има пристап до средставата на ММФ, доколку тој долг не се плати.
