Излегувањето на автомобилот од гаража или влегувањето во непрегледна раскрсница од споредни улици претставува потенцијална опасност за учесниците во сообраќајот.
И покрај големата претпазливост, возачот сепак мора да излезе со предниот дел на автомобилот, како би имал подобра прегледност. Токму во тој момент може од страните да наиде пешак, велосипед или друго возило.
Со цел да ја подобри безбедноста на своите автомобили, „Ford“ во одредени модели воведе нова технологија која му овозможува на возачот да „гледа зад аголот“. Новата генерација на моделите „S-MAX“ и „Galaxy“ се опремени со безбедносниот систем „Front Split View Camera“.
Со помош на овој систем возачот на екранот во својот автомобил може да гледа што се случува зад аголот и безбедно да се вклучи во сообраќајот од паркинг или споредна улица.
Камерата која има резолуција од 1 Mpx и која се наоѓа во маската на ладилникот, на дисплејот со дијагонала од 8 инчи прикажува широкоаголно видно поле од 180 степени пред возилото.
Со тоа на непрегледните раскрсници значително се намалува ризикот од налетување на други возила, пешаци или велосипедисти, кои доаѓаат од страните:
