Цената на нафтата балансираше денеска на светските берзи меѓу оптимистичките европски економски податоци и очекувањата за договор на Грција со кредиторите и загриженоста поради прекумерното снабдување.
На лондонската берза цената на нафтата остана речиси непроменета во однос на претходното затворање и изнесуваше 63,44 долари по барел. Значителна промена во однос на претходното затворање немаше ниту на американската берза, каде со барелот се тргува по 60,24 долари.
На почетокот на тргувањето расположението беше под влијание на континуираната загриженост поради прекумерното снабдување, притиснувајќи ги цените, за да потоа вниманието се насочи на позитивните економски податоци од Европа. Така индексот на менаџери за набавка за еврозоната кој го изработува лондонската копанија Markit порасна во јуни на 54,1 поени, сигнализирајќи најсилен економски раст за речиси четири години.
Притоа францускиот производствен сектор забележа раст на активностите прв пат од минатогодишниот април, додека активностите во Германија забрзаа во однос на претходниот месец.
Податоците од Франција и од Германија покажуваа траги на живот во европската економија, иако цената на нафата поради обилното снабдување веројатно уште некое време ќе бидат ниски“, толкува Мајкл Хјусон од CMC Markets.
На добрите економски податоци од Европа се надоврза и оптимизмот во поглед на шансите за договор на Грција со кредиторите со кој, како што многумина оценуваат, се отстрани заканата за излез на Грција од еврозоната. Таквите очекувања ги поттикнаа европските берзи на акции кои остигнаа највисоко ниво за три недели, наведува Reuters.
Нафтените пазари, пак, денеска дополнителна поддршка црпеа од очекувањата за продолжен пад на залихите во САД, во пресрет на денешната објава на неделниот извештај на Американскиот институт за нафта (АПИ). Аналитичарите во анкетата на Reuters во просек очекуваат извештајот да покаже пад на залихите на нафта во минатата недела за 1,8 милиони барели.
Американската влада официјалните податоци ќе ги објави во среда.
