Просечната плата во Црна Гора во мај била 480 евра и за 1,7 пати помала од потрошувачката кошница, соопшти државниот завод за статистика Монстат.
Просечната плата од 480 евра е за 1,7 пати помала од просечната потрошувачка кошница, чија вредност се проценува на 809 евра.
Мајската просечна плата во однос на април пораснала за 0,4 проценти, пишува во соопштението на Монстат, а поголема е и од просечните приходи во 2014 година.
Најголем пораст на просечната плата е забележан, како што се наведува, во секторот за забава и рекреација, 14,3 проценти, потоа во земјоделството и шумарството, а следи индустријата за храна, сообраќај и здравството.
Падот на личните приходи е забележан во рударството, областите информации и комуникација, градежништвото и администрацијата.
