Украина во понеделникот уплати 75 милони долари врз основа на приноси на украинските еврообврзници кои Русија ги купи во 2003 година и чија вкупна вредност изнесува три милијарди долари, соопштија властите во Киев.
„Сé е во ред. Потврдувам дека уплатата е извршена“, изјави шефот на одделението за управување со долг и државни финансиски активи при украинското министерство за финансии Константин Вишковски за руската агенција ТАСС.
Овие хартии од вредност се дел од програмата за руска помош, која претседателот на Русија Владимир Путин ја договори со тогашниот украински претседател, Виктор Јанукович кон крајот на 2013 година. Обврзниците со принос од пет отсто годишно издадени се на Ирската берза, а ги купи Русија со средства од фондот за национална благосостојба. Рокот на нивното доспевање е декември 2015 година.
Вкупниот долг на Украина изнесува околу 50 милијарди долари, а владата во Киев сака со реструктуирање 22 милијарди долари да обезбеди од приватите доверители.