Рускиот министер за економија Алексеј Уљукајев најави денес дека Русија ќе воведе нови санкции за земјите од Европската унија во знак на одмазда за продолжувањето на европските санкции кон Москва на уште шест месеци.
Министерот Уљукајев наведе дека „Москва најверојатно ќе го прошири ембаргото на храната“.
Владите на државите членки на ЕУ во текот на вчерашниот ден се договорија да ги продолжат економските санкции за Русија до 31. јануари наредната година, а Москва веднаш најави дека ќе одговори на таквата одлука на ЕУ, пренесува Ројтерс.
По одлуката за продолжување на санкциите за уште шест месеци која ја донесоа амбасадорите на 28 земји членки на ЕУ во Брисел, се огласи портпаролот на рускиот претседател Дмитриј Песков кој порача дека Русија ќе одговори по принципот реципроцитет.
„Што се однесува до санкциите, Русија повеќе пати нагласи дека се залага за принципот реципроцитет и ниту еден чекор во санкциите нема да остане без соодветен одговор“, изјави Песков.
