„Mercedes“ го претстави официјално својот нов кросовер „GLC“, кој се претставува како наследник на моделот „GLK“. Новото возилото ќе биде претставено пред публиката во текот на оваа есен, а продажбата ќе стартува веднаш потоа.
Mercedes GLC ќе го замени GLK (фото+видео)
Спореден со „GLK“, новиот „GLC“ демонстрира за 118 мм поголемо растојание меѓу оските, пошироки задни врати, како и за 50 мм поголема ширина. Промените придонеле за дополнителен простор за патниците на задната клупа, како и поголем волумен во багажникот. Кај втората генерација на кросоверот, тој е 580 литри и може да биде зголемен до цели 1600 литри при склопување на задните седишта.
Освен тоа масата на моделот е редуцирана за 80 килограми, а тоа е можно благодарение на користењето на комбинација на материјали, вклучувајќи алуминиум, делови од карбон и ултралесен челик.
Значајна промена е направена и во однос на дизајнот. Сега, надворешноста демонстрира повеќе заоблените форми, исполнети во стилот на најновиот дизајн на германската марка. Внатрешноста во голема мера потсетува на онаа на последната генерација „C-Class“, а се обложува на модерни форми и материјали од висок квалитет.
Палетата на понудени мотори е претставена од бензински и дизел предлози кои ги покриваат нормите на Евро 6. Достапен е и хибриден модел, чии батерии можат да се полнат на електричната мрежа.
Предметниот хибриден модел го носи името „GLC 350 e 4MATIC plug-in hybrid“, а комбинира бензински мотор со 211 КС и електричен мотор кој развива 116 КС. Системот овозможува спринт од место до 100 км/час за 5,9 секунди, а максималната брзина достигнува 235 км/час. Само на електрична енергија можат да се поминат околу 35 километри.
Дизел модификации се „GLC 220 d 4MATIC“ (170 КС и 400 Нм) и „GLC 250 d 4MATIC“ (204 КС и 500 Нм). Бензинскиот модел засега е еден – „GLC 250 4MATIC“ кој развива 211 КС и 350 Нм.
Се очекува да се појават и помоќни верзии, вклучувајќи „GLC 450 AMG Sport“ и „GLC 63 AMG“.
Европските модели со конвенционален мотор се опремени со системот за погон на четири тркала – „4MATIC“, како и со новата автоматска трансмисија со 9 степени, „9G-TRONIC“. Хибридниот модел ја користи верзијата на кутијата со 7 брзини „7G-TRONIC PLUS“. Меѓу опциите присуствува и уникатниот сегментот за воздушно потпирање „AIR BODY CONTROL“.
Сите детали за „Mercedes GLC“ ќе бидат откриени на авто-саемот во Франкфурт во септември.