Американската компанија „Adobe“, позната по своите софтвери „Acrobat“ и „Photoshop“, оствари во вториот квартал од својата фискална година завршена на 29 мај, раст на приходите од 8,8 проценти, на 1,16 милијарди долари, благодарение на успехот на софтверските платформи „creative cloud“ и „document cloud“.
Нето профитот во вториот квартал се зголемил на 147,5 милиони долари, што е 29 центи по акција, додека една година претходно изнесувал 88,5 милиони долари (17 центри по акција), пренесува Ројтерс.
Американската компанија превидува во третиот квартал од фискалната година профит меѓу 45 и 51 центи по акција и приходи од 1,18 до 1,23 милијарди долари.