Швајцарскиот производител на прехрамбени производи, Нестле, има намера да уништи залихи на нудли од брендот Маги вредни над 50 милиони долари откако властите во Индија воведоа забрана за продажба бидејќи во нив откриле високо ниво на олово.
Дополнителни средства ќе мора да се потрошат на преглед на стоката во магацините, на доставата до местото на уништување и на самото уништување, соопшти компанијата, пренесува БиБиСи нјуз.
Индиската агенција за контрола на храната претходно ги прогласи макароните популарни во таа земја за опасни по здравјето и го обвини Нестле за кршење на правилата за безбедност на храната.
Властите на пет индиски земји нашле во тие производи зголемена содржина на олови, а државата на север УтарПрадеш поднесе тужба до судот против Нестле. Судењето би требало да се одржи во јули.
Нестле покрива околу 80 отсто од индискиот пазар за инстант нудли. Компанијата не се сложува со обвинувањата на индиските власти и тврди дека макароните се во склад со сите барања.
Нестле поседува над 460 фабрики ширум светот. Портфолиото на компанијата ги вклучува брендовите Нестле, Нескафе, Киткет, Маги и други.