Во сабота стартува Законот за отпис на каматите за долгови од придонеси за социјално осигурување, најави премиерот Никола Груевски при посетата на охридско-струшкиот регион.
Како што информираше во неделата премиерот, сите компании кои имаат заостанати долгови од придонеси, ќе може да ги платат без да ја плаќаат каматата.
„За оние фирми чиишто долгови се од периодот до 2008 година ослободувањето ќе биде 100 отсто, додека за оние што имаат насобрани камати од 2009 до 2014 година, ослободувањето ќе биде 70 проценти. Плаќањето може да биде на 36 рати. Претходно се планираше на 25, но конечно се одлучи на 36 рати“, рече Груевски.
Тој додаде дека оваа можност ја очекуваат околу 16.500 фирми кои со ова ќе ги решат сопствените проблеми, а покрај нив и над 5.000 индивидуални земјоделци. Тој денеска пушти во употреба ова спортска сала во Вевчани и ново повеќенаменско игралиште во селото Лабуништа.
