Собранието на Република Македонија во вторник ги изгласа измените и дополнувањата на Законот за пензиско и инвалидско осигурување со кои се овозможува откуп на стаж.
Според министерот за труд и социјална политика Диме Спасов, со измените на овој закон се отвора можност лицето што било во работен однос, но не му бил платен придонес за пензиско и инвалидско осигурување за период до 31 декември 2008 година, да си ги плати придонесите и да оствари право на пензија.
„Ќе им помогнеме на голем број граѓани кои најчесто во периодот на транзицијата, или поради затворање на компаниите поради стечај и ликвидација, не само што го изгубија работното место, туку и не им беа платени дел од придонеите за пензиско и инвалидско осигурување за периодот во којшто работеле“, рече Спасов, потенцирајќи дека има огромен број лица кои се соочуваат со ваков проблем.