Банката HSBC планира да укине вкупно 50 илјади работни месата, да го скуси работењето на својата инвестициска банка, како и да ја намали ризичната сопственоста за 290 милијарди американски долари за да ги подобри своите деловни резултати, објави во вторникот оваа четврта по големината европска банка.
Оваа информација банката HSBC ја објави на берзата го Хонгконг пред презентацијата за инвеститорите и аналитичарите на која извршниот директор Стјуард Гуливер ги изнесе деталите за својот втор голем стратешки план откако го презема водството на почетокот од 2011 година.
Кастрењата, коишто ќе зафатат речиси половина од работната сила на банката, ќе се однесуваат на 25.000 вработени во бразилските и турски филијали, којашто банката планира да ги продаде, како и на 22.000 до 25.000 вработени кој ќе добијат отказ поради консолидирањето на работата поврзана со ИТ и канцелариското работење, како и со затворање на подружниците. По тие резови, HSBC ќе имаат околу 208.000 работници со полно работно време, наспроти 258.000 на крајот од 2014 година.
Меѓутоа, од банката истакнуваат дека по тие кастрења, кои би требало да бидат завршени до 2017 година, ќе следи вработување во областите во коишто се очекува.
„Масакрот на персоналот не е нужно решение, освен доколку управата сака да ја направи банката значително помалку сложена“, изјави за Reuters Хамес Антос, аналитичар во компанијата „Mizuho Securities Asia“.
Од HSBC, исто така, најавија дека ќе ја скусат и својата филијала за глобално банкарство и пазарите на помалку од третина од сегашната вредност на билансот на банката од 2.600 милијарди долари, од сегашното ниво од 40 отсто.
Инвеститорите бараа порадикални кастрења во инвестициската банка, којашто Гуливер ја води пет години, а чиишто приноси беа погодени од тешките пазарни услови.
Банката го намали и целениот поврат на капиталот на околу 10 отсто до 2017-та, во споредната со претходно целениот од 12 до 15 отсто. Потврди и дека има намера да ги продаде своите филијали во Бразил и во Турција, додавајќи своето присуство во овие земји ќе га задржи во областа на услуги за корпоративните клиенти.
HSBC, исто така, истакна дека новата стратегија не претставува само кастрење, туку и дека ќе цели и на раст во Азија преку ширење на работењето во врска со осигурувањето и присутноста во кинескиот регион Делата на бисерната регион.
Банката утврди и 11 критериуми коишто ќе ги користи за процена дали своето седиште ќе го премести од Лондон во Азија, веројатно во Хонгконг. Критериумите вклучуваат фактори како што се економскиот раст, даночниот систем и државната поддршка за раст на банкарскиот систем. Од HSBC порачаа дека процената за можното селење на седиштето ќе го заврши до крајот на годинава.
