Светската економија е во опасност од тонење со оглед на слабиот раст, освен ако не се применат насочените мерки за стимулирање на побарувачката и развој на бизнисот, беше објавено во извештајот на Организацијата за економска соработка и развој (ОЕЦД).
Широкопрофилниот извештај на организацијата гледа голем број на компоненти на глобалната економија. Најмногу загрижувачки изгледа фактот дека невработеноста во земјите од ОЕЦД е намален само за 1 процентен поен во споредба со историскиот врв од 2010-та година.
Според аналитичарите на ОЕЦД до крајот на 2016-та година над 40 милиони луѓе ќе останат без работа, што е за 7,5 милиони повеќе пред кризата.
Претходно оваа недела организацијата ја намали прогнозата за растот на светската економија, посочувајќи дека инвестициите заостануваат, а ризиците, вклучувајќи евентуален грчки банкрот, влијаат на довербата.
Според експертите глобалната економија ќе се прошири за 3,1% оваа година, што е забавување во однос на проектираните 3,7% во октомври минатата година, соопшти компанијата со седиште во Париз во шестмесечниот извештај. За споредба, просечниот глобален раст за деценијата беше околу 3,9%. Минатата година светската економија порасна за 3,3%.
Намалувањето на БДП на САД во првиот квартал е одговорно за повеќето значителен дел од ревизијата на прогнозата за 2015-та година, иако слабата експанзија во Кина исто така да е фактор, истакна Ман.
ОЕЦД гледа продолжување на економијата на САД од 2% оваа година, што е послаб раст од проектираниот пораст за 2,4% во 2014-та година. Во март организацијата предвидува раст од 3,1% во 2015-та година. Според експертите пак, Кина ќе порасне оваа година за 6,8%, што е забавување во однос на проектираните порано 7,4%.
Растот во еврозоната се подобрува, што значи дека регионот е со позитивен придонес за растот оваа година за разлика од блиското минато. Стимулиран од невидените лесни пари од страна на Европската централна банка, бруто домашниот производ во 19-члениот блок ќе се зголеми за 1,4% во оваа година во споредба со порастот од 0,9 во 2014-та година.
