Романската агенција за истражување на корупцијата денеска објави дека отвора истрага против премиерот Виктор Понта поради сомневања за перење пари, фалсификување, судир на интереси и избегнување плаќање даноци.
Романските медиуми објавија снимки како премиерот Виктор Понта влегува во канцелариите на агенцијата за справување со корупцијата утринава, и ја пренесуваат неговата изјава дека дошол како „обичен човек“ и дека „не дал никаква изјава“.
Романскиот претседател Клаус Јоханис го повика премиерот Понта да поднесе оставка, тврдејќи дека покренувањето на истрагата „неговата позиција не е одржлива“.
Понта во меѓувреме го отфрли повикот да поднесе оставка, велејќи дека не сторил ништо незаконски, и додаде дека само парламентот може да го смени од функцијата.
„Ја почитувам јавната функција на претседателот, но мене на позицијата премиер ме именуваше парламентот и само парламент може да ме смени“, рече Понта за телевизија.
Романската антикорупциската агенција DNA, изминатите месеци покрена низа апсења на функционери во земјата, една од најсиромашните и најмногу изложени на корупција меѓу членките на Европската унија.
Министерот за финансии во владата Понта поднесе во март оставка, по истрагата поради сомневање за корупција покрената против него.
Понта е поранешен државен обвинител, а на должноста стапи во 2012-та година, додека до крајот на парламентарните избори ќе се одржи до крајот на годинава.
