Вториот Спортски град, кој е насочен кон промоција на спортот и здравиот начин на живеење, ќе биде отворен денес вечер во Скопје Сити Мол.
Настанот ќе се одржи во времетраење од три дена (05-07 јуни 2015год), проследени со богата програма и многу активности.
На настанот спортските федерации ќе ги презентираат своите спортови, поддржани и организирани од страна на Сојузот на спортски федерации на Република Македонија, во присуство на македонските шампиони и спортски великани.
Промоцијата на спортовите ќе ја најави Директорот на Агенцијата за млади и спорт, Маријан Спасески, а обраќања ќе имаат и Претседателот на Сојуз на спортови на РМ и претставник од менаџментот на Скопје Сити Мол.