Втората генерација на популарниот компактен кросовер „X1“ ја претстави германската компанија „BMW“. Пред публика возилото ќе се појави на саемот во Франкфурт, а продажбата во Европа ќе започне околу еден месец потоа.
Најмалиот кросовер на „BMW“ доби подобрен дизајн, типичен за последните модели од серијата „Х“ на брендот. Промените влијаат на повеќето елементи на каросеријата, му придаваат на „X1“ посолидни пропорции, моќно емитување и динамични линии.
Промени има и во димензиите – висината е зголемена за 53 мм, што придонесува за подобрата и просторна удобност во внатрешноста. Освен тоа позиција на седење е подигната за 36 мм напред и 64 мм одзади што го оптимизира прегледот врз случувањата на патот. Новата архитектура на кабината обезбедува за 37 мм поголем простор за колената на патниците кои се одзади, а кај верзиите со опционалното прилагодливо надолжно задно седиште просторот може да биде зголемено за до 66 мм.
Капацитетот на багажникот е 505 литри, или 85 литри повеќе во однос на претходниот модел, а е можно да се зголеми до 1550 литри при преклопувањето на потпирачот на задното седиште, кое може да се нарача и со регулирање на наклонот.
Новата „BMW X1“ ќе се нуди и во неколку индивидуализирани модификации – „Advantage“, „Sport Line“, „xLine“ и „M Sport“.
Меѓу опциите исто така се вклучени „Full LED“ светла, автоматски погон на задниот капак, динамична контрола на амортизацијата, „BMW Head-Up“ дисплеј и системот Асистент за возење „Plus“. Последниот ги вклучува системите – Активен автопилот со функција „Stop & Go“, Предупредување при напуштање на лентата, Асистент за сообраќајниот метеж, како и Предупредување при опасност од судир со препознавање на пешаци и сопирачка функција при возење во градски услови.
За погонот на моделот се предвидени два бензински и три дизел мотори со четири цилиндри и моќност од 150 КС до 231 КС. Дизелите се 2,0-литарски, а развиваат 150 КС (330 Nm), 190 КС (400 Nm) или 231 КС (450 Nm). Бензинските исто така имаат 2,0 литри зафатнина, нудејќи 192 КС (280 Nm) или 231 КС (350 Nm).
Малку по премиерата моделот ќе добие и други мотори, меѓу кои и такви со три цилиндри.
Љубопитна новина е исто така погонот на предните тркала што ќе се нудат за прв пат кај моделот. Тој ќе биде достапен за верзиите „X1 sDrive20i“ и „X1 sDrive18d“. Останатите модификации располагаат со погонот на сите четири тркала „BMW xDrive“. Понудените трансмисии се нови верзии на шестбрзински мануелен менувач и осумстепена трансмисија „Steptronic“.
Новата генерација „BMW X1“ ќе има премиера во септември во Франкфурт. Продажбата стартува околу еден месец потоа, а производството ќе се одвива во фабриката на „BMW“ во Регенсбург.
