Стапката на невработеност во Португалија во април изнесуваше 13 проценти од работоспособното население, по 13,2 проценти кои беа забележани во март.
Според првичната оценка на статистичкиот институт, стапката на невработеност во март изнесувала 13,5 проценти, додека во април 2014 таа била 14,6 проценти од работоспособното население, покажуваат податоците на Националниот институт за статистика ИНЕ.
Стапката на невработеност во категоријата најмлада популацијата (од 15 до 24 години) во април оваа година е намалена на 31,2 проценти од 32,4 проценти во март.
Вкупниот број на невработени во април изнесувал 667,800, додека во март нивниот број бил 678,500 лица, прецизира ИНЕ.
