Првите официјални фотографии на новата генерација „Opel Astra“ се појавија на интернет. Овие слики ги објави италијанското издание „CarPassion“, кое потврди дека премиерата на моделот пред публика ќе се одржи на автосалонот во Франкфурт во септември.
Засега недостасуваат било какви детали за возилото. Од фотографиите сепак станува јасно дека новата „Astra“ располага со подинамичен и истовремено поспокоен дизајн, под влијание на концептот „Monza“.
Моделот лесно може да се препознае како „Astra“, иако демонстрира целосно нови предни и задни делови и силно заострените линии на покривот. Првите светлосни групи располагаат со новите матрични фаровите „IntelliLux LED“ на „Opel“, а „LED“ технологија е користена и за оние од позади.
Преуредување претрпе и ентериерот во кој се забележува нови инфо-систем со голем екран на допир и поврзување со системите „Android Auto“ и „Apple Car Play“, дополнителен голем екран на таблата со инструменти, бројни хромирани и детали од кожа, како и целосно нов распоред на инструментите.
Детали за технолошкиот дел недостасуваат, но се очекува од компанијата наскоро да ги презентираат и тие информации. Според неофицијални податоци, модел е изграден на новата платформа „Delta“, има околу 100 килограми помала тежина, а во палетата на мотори се вклучени само турбо мотори. Тие се бензински и дизел, а како основен е новиот 1,0-литарски агрегат со 115 КС, додека на врвот се наоѓаат 1,6-литарски бензински и 2.0-литарски дизел со моќност од 195 КС.
Пред публиката, моделот ќе се појави на саемот во Франкфурт во септември.
