Под мотото „Заштита на потрошувачките права“, Министерството за економија денеска традиционално ќе го одбележи 15 Март, Светскиот ден на потрошувачот.
На одбележувањето ќе присуствуваат претставници од Организацијата на потрошувачите на Македонија, Стопанската комора на Македонија, бизнисмени, како и други институции чии надлежности се поврзани со заштитата на потрошувачите.
Во рамките на одбележувањето на Светскиот ден на потрошувачите, министерот за економија Ваљон Сарачини и претседателот на Здружението на банкарството при Стопанската комора на Македонија, Ѓорѓи Јанчевски, ќе потпишат кодекс за добро однесување на банките и штедилниците.
