Стапката на глад во земјите во развој „падна“ за речиси педесет проценти во последните 25 години – истакна ОН.
Според податоците за проценката на (не)исхранетост, може да се каже дека целта е остварена и бројот на гладни е „преполовен“ – наведуваат од агенцијата на ОН во извештајаот „безбедноста на храната во светот во 2015 година“.
Вкупно 795 милиони луѓе – околу едно од девет лица – во моментов нема доволно храна.
Најмногу недоволно исхранети има во Азија – 512 милиони, а следи Африка со 233 милиони.
Во периодот од 1990 до 1992 вкупниот број на неисхранети бил блиску до една милијарда.
Стапката на глад најмногу е намалена во Јужна Америка, како и во источна и југоистона Азија, додека најлоша е состојбата во централна Африка и западна Азија.
Меѓународната заедница во 2000 година усвои развојни цели на ОН, вклучувајчи обврска да биде преполовен бројот на луѓе кои страдаат од глад.
