6 април, 2025
ПочетнаЕКОНОМИЈАBloomberg: Грција ќе ги продолжи преговорите со кредиторите

Bloomberg: Грција ќе ги продолжи преговорите со кредиторите

grcija-eu-dogovor

Грчката делегација ќе ги продолжи разговорите со меѓународните кредитори околу информациите кои и биле презентирани на земјата за финансиската помош, пред приближувањето на роковите за исплата на обврските од постојните кредити, пренесе агенцијата Bloomberg.

Според извор на Bloomberg, земјите не успеале да ги доближат своите позиции во преговорите пред самитот на ЕУ во Рига. На 5-ти јуни Грција треба да му плати на Меѓународниот монетарен фонд рата 305 милиони евра, а во јули Атина треба вкупно на Фондот да му исплати околу 1,6 милијарди евра.

Претходно, министерот за внатрешни работи на Грција Никос Вуцис во интервју за локална телевизија изјавил дека Грција нема да успее да ги изврши овие исплати бидејќи во државната каса нема средства.

Истовремено, весникот Frankfurter Allgemeine Zeitung, повикувајќи се на свои извори, објави дека владата на Германија не се сомнева дека плаќањето на 5-ти јуни ќе биде успешно завршено./

НАЈНОВИ ВЕСТИ

ХОРОСКОП