Чешката марка „Skoda“ ја покажа официјално новата генерација на комби верзијата на својот предводник „Superb“. Моделот ќе се појави пред публиката на автосаемот во Франкфурт наесен, за кога е закажан и старот на продажбата.
„Skoda Superb Combi“ ги продолжува традициите на претходните генерации, нудејќи водечки волумен на багажникот и просторност во кабината. Значајна разлика сепак има во дизајнот, кој е далеку подинамичен и стилски. Автомобилот е изработен на платформата „MQBb“ користена и за лимузина „Superb“.
Што се однесува до димензиите, новиот „Superb Combi“ има меѓуоскино растојание од 2841 mm и багажник со волумен од цели 660 литри, или за 27 литри повеќе од претходникот. При преклопувањето на задните седишта обемот се зголемува до импресивни 1950 литри.
Палетата на мотори на новиот „Superb Combi“ е позајмена од онаа на лимузината „Superb“. Тоа се нова генерација бензински и дизел турбо агрегати кои нудат меѓу 120 и 280 КС. Моторите го покриваат стандардот „Евро6“ и стандардно се опремени со системот „старт-стоп“. Пренос се врши со рачна или автоматска „DSG“ трансмисија, а за некои модификации се предлага систем 4х4.
Сите детали за новата „Skoda Superb Combi“ ќе бидат објавени за време на автомобилскиот саем во Франкфурт во септември.
