28 март, 2024
ПочетнаТЕХНОЛОГИЈАПристигна Samsung Galaxy S IV

Пристигна Samsung Galaxy S IV

JK Shin

На конференција која се одржа во Њујорк и преку интернет, „Samsung“ го претстави својот нов предводник.

Претседателот на „Samsung Mobile Communication“, ЏК Шин официјално ја отвори конференцијата, кој рекол дека во последниве неколку недели слушале многу гласини за новиот „Galaxy“.

Но повеќето од оние гласини што можеше да се прочитаат во последните неколку дена испаднаа вистинити.

Телефонот кој од крајот на април ќе биде достапен во понудите на 327 мобилни оператори ширум светот е паметен телефон со 5 инчен full HD Super Amoled екран (резолуција 442 пиксели).

Полесен и потенок од претходниот модел, „Samsung Galaxy S IV“ е со дебелина од само 7.9 милиметри, а куќиштето е направено од поликарбонат и ќе биде достапен во црна и бела боја.

galaksi 1

Димензиите на овој паметен телефон се 136.6 x 69.8 x 7.9,  а тежок е само 130 грама.

„Samsung Galaxy S IV“ има задна камера од 13 мегапиксели, а пак предната е од 2 мегапиксели, исто така има и 2 GB RAM меморија и батерија од 2600mAh, а покрај поддршката од WiFi, Bluetooth 4.0, тука е и за 4G LTE.

Од софтверска страна тука е „Android 4.2.2 Jelly Bean“. Телефонот поседува „Dual View“ технологија која овозможува користење на предната и задната камера во истовреме, но тука е и „Smart Pause“ технологијата која го стопира видеото откако ќе детектира дека повеќе не гледате во него. „Air View“ и „Air Gesture“ се можности за кои исто така се говореше, а на корисникот му овозможуваат да поминува со прстот преку екранот и да не го допира, но сепак да задава команди.

Беше претставена и „Samsung KNOX“ технологијата која премиерно ќе биде вградена во новиот „Galaxy S“.

Иако сите ги интересираше цената на овој паметен телефон, сепак таа не беше соопштена на конференцијата..

НАЈНОВИ ВЕСТИ

ХОРОСКОП