Германскиот министер за финансии Волфганг Шојбле изјави дека не може категорично да го отфрли банкротот на Грција во време на преговори на оваа земја со меѓународните кредитори.
На прашањето на новинарите: Дали може да се потврди тврдењето од 2012 година дека Грција нема да банкротира?, Шојбле изјави: „Би морал добро да размислам пред да го кажам тоа во сегашната ситуација“, пренесува агенцијата Франс прес.
Владата на премиерот Алексис Ципрас веќе со месеци преговара со кредиторите кои бараат широки реформи на пазарот на труд и пензискиот систем во замена за исплата на последната транша од кредитот во вредност од 7,2 милијарди евра, која на Атина и е повеќе од потребна.
Шојбле „шампионот“ за тешки реформи и строги штедења, ја отфрли идејата за трет пакет помош за Грција пред да биде завршена тековната програма.
