„Subaru“ го најави појавувањето на хибридна верзија на хечбекот „Impreza“. Таа го носи името „Sport Hybrid“, а нарачки за неа веќе се прифаќаат, додека продажбата ќе стартува во текот на летото.
Официјално од јапонскиот производител не откриваат технички детали за возилото, но најверојатно тоа е опремено со истиот агрегат на кој се потпира кросоверот „XV Crosstrek“. Во него влегуваат 2,0-литарски бензински мотор со моќност од 150 КС, електромотор, вариаторна трансмисија и комплет литиум-јонски батерии кои се наоѓаат под багажникот. Вкупната моќност на агрегатот е околу 165 КС.
Во опремата на „Sport Hybrid“ се вклучени истите опции на кои се потпира и „Impreza“ во топ верзијата „Sport“. Меѓу нив се големи црни бандажи и алуминиумски педали. Покрај тоа, машината ќе го добие и новиот систем за безбедност на „Subaru“ – „EyeSight“, како и нов систем со 6,2-инчен дисплеј.
Цените на „Impreza Sport Hybrid“ ќе станат јасни подоцна во овој месец.
