По четири месеци континуирано опаѓање на цените, еврозоната излезе од дефлација во месец април, со инфлација од нула проценти на годишно ниво.
Сепак, дефлацијата во еврозоната и понатака е присутна, а најголема е во Грција (-1,8 проценти) и на Кипар (-1,7 проценти).
Највисоката инфлација е на Малта каде изнесува 1,4 проценти и во Австрија каде инфлацијата изнесува 0,9 проценти, пренесува агенцијата Бета.
Долгиот пад на цените, дефлацијата, донесува пад на потрошувачката бидејќи купувачите очекуваат понатамошни поевтинувања, а поради тоа се намалуваат и набавките, производството, платите, како и државните приходи.