Малопродажните цени на бензините ноќеска на полоноќ се намалуваат за 1,5 денари за литар, додека цената на дизелот се зголемува за половина денар.
Вака одлучи во понеделникот Регулаторната комисија за енергетика на редовната двонеделна седница посветена на корекција на цените на нафтените деривати.
Согласно одлуката новата цена на литар еуросупер БС-95 изнесува 70,5 денари, додека еуросуперот БС-98 ќе се продава по 72,5 денари за литар.
Новата цена на литар еуродизел изнесува 58 денари, додека екстра лесното масло за домаќинство (ЕЛ-1) ќе се продава по 46,50 денари по литар.
Малопродажната цена на мазутот М-1 НС се намалува за 0,705 ден/кг, и со тоа цената на М-1 НС изнесува 28,934 ден/кг.
Просечната цена на сурова нафта на светскиот пазар во изминатиот 14-то дневен период е за 3,94 отсто повисока од просечната цена на сурова нафта по која беа формирани тековните цени на нафтените деривати.
Курсот на денарот во однос на доларот во изминатиот 14-то дневен период изнесуваше е за 4,403 проценти понизок од курсот на доларот по кој беа формирани цените.
Референтните цени на нафтените деривати на светскиот пазар во споредба со изминатиот четиринаесетодневен период бележат зголемување кај бензинот во просек за околу 2,28 отсто или за 14,900 долари тон, кај дизелот зголемување во просек за околу 7,23 отсто или 40,125 долари тон и кај мазутот зголемување во просек за околу 3,48 отсто или за околу 11,675 долари тон, поради што во структурата на цените на нафтените деривати е извршено.
