Производните цени во САД во април ја потврдија тенденцијата на опаѓање, така што соодветниот индекс е намален за 0,4 проценти во однос на претходниот месец.
Тоа е трет месечен пад на овој индекс од почетокот на годината.
Според официјалната статистика, во март производните цени биле во пораст 0,2 проценти, пренесува Ројтерс.
Во однос на минатогодишниот април, цените на производителите во САД се намалени за 1,3 проценти, што е најголемиот пад започнувајќи од 2010 година.
Цените на енергијата во април на месечно ниво се намалени за 2,9 проценти, по растот од 1,5 проценти во март, додека цените на храната се во опаѓање веќе петти месец по ред.