Во Стокхолм можете на уличен продавач да му платите со кредитна картичка, во Копенхаген можете со паметен телефон да купите кратко еспресо, а ниту во Хелсинки нема потреба да понесете паричник кога одите во продавница за овошје и зеленчук, пишува „The Guardian“.
Скандинавија веќе подолго време е позната како регион во кој готовината е најмалку потребна, а Данска сега започна да размислува и за тоа да оди чекор понапред и да им овозможи на продавачите на мало во целост да го исфрлат готовинското плаќање.
Стопанската комора на Данска пропорача дека продавниците и службите добиваат можност да се откажат од готовинско плаќање. Тој предлог треба само да го одобри парламентот, но доколку добие „зелено светло“, продавачите од јануари 2016-та година ќе можат да одбиваат готовина.
„Го прифативме тоа што трговците веќе некое време ни го говорат. Употребата на готовина е скапа затоа што на вработените им треба време за работа со неа, но и претставува безбедносен ризик. Носењето на готовина Ве прави „мета“ на напад, па иако стапката на криминал во Данска е многу ниска, продавниците и вработените велат дека се загрижени поради тоа“, вели Софи Финдлинг Андерсон од Комората.
Засега ниту данските медиуми, а ниту потрошувачите и компаниите не се спротивставуваат на оваа иницијатива.
