Русија нема да учествува во реструктуирањето на долгот на Украина, соопшти заменик министерот за финансии Сергеј Сторчак, пренесе РИА Новости.
„Не, нема да учествуваме во должничката операција“, рече Сторчак, потенцирајќи дека во јуни Москва очекува Киев да исплати уште една транша.
Русија е еден од сопствениците на еврооблигации на Киев. Во јуни 2014 година, Украина исплати 73,3 милиони долари, а во декември дополнителни 75,5 милиони.
И Комитетот на приватни кредитори на Украина, кој обединува сопственици на хартии од вредност во вкупен износ од 10 милијарди долари, исто така одби да го поништи долгот.
