Модификација на „Jaguar XE“, која ќе треба да се натпреварува со „BMW M3“, ќе добие моќност од 495 КС. Британската компанија подготвува и уште помоќна верзија на моделот, која ќе се потпира на 550 КС, објави „Autocar“.
Новиот „Jaguar XE-R“ ќе биде опремен со 5,0-литарски V8 со компресор, поставен кај топ-верзијата на роудстерот „F-Type“. Моторот работи во комбинација со модернизиран 8-брзински автоматски менувач „ZF“, чии брзини ќе може да се префрлуваат со „рачки“, лоцирани на воланот. Се очекува со овој мотор седанот да забрзува од 0 до 100 км/ч за помалку од 5 секунди.
Британците сепак нема да запрат тука и подготвуваат уште поекстремна модификација која ќе биде развиена од фабричката тјунинг-работилница на групацијата „Jaguar Land Rover“ – „SVO“ (Special Vehicle Operations). Таа ќе го добие истиот „V8“ мотор, но кај него моќноста ќе достигне 550 КС и 680 Нм вртежен момент. Каросеријата на најмоќниот „XE“ ќе биде направена целосно од композитни материјали.
Шефот на проектот „Jaguar XE“ – Ник Милер, коментира дека во неговата компанија размислуваат дали да им овозможат на двата „надуени“ седани систем за погон на сите четири тркала, но се уште не е донесена конечна одлука за ова прашање.