Падот на кредитирањето во Италија благо забави во март, соопштија претставници на Банката на Италија.
Италијанската централна банка наведува дека обемот на заемите одобрени на домаќинствата и фирмите вон финансискиот сектор во март е намален за 1,5 отсто на годишно ниво, што е подобар резултат во однос на февруари.
Во февруари кредитирањето беше намалено за два отсто.
Обемот на кредитирање што банките го одобриле за домаќинствата паднал 0,3 отсто на годишно ниво, по падот од 0,4 отсто од февруари.
Обемот на заеми одобрени на компаниите истовремено е намален 2,2 отсто, по падот од три отсто од февруари.
