Речиси две третини од граѓаните на Франција (63 проценти) оценуваат дека нивната финансиска ситуација е влошена од изборот на Франсоа Оланд за претседател во 2012 година.
Една третина од испитаниците, поточно 32 проценти, сметаат дека нивните лични финансии останале стабилни, покажува истражувањето кое го спроведе Opinionway.
Само 4,0 проценти од анкетираните лица изјавиле дека финансиската ситуација во тој период им се подобрила, додека 1,0 проценти од нив не сакале да дадат одговор на тоа прашање.
Анкетата е спроведена на репрезентативен примерок од 1003 полнолетни граѓани на Франција во периодот од 6 до 7 мај оваа година.
