Американскиот оператор за кредитни картички „Visa“ планира да ја откупи својата поранешна компанија-ќерка „Visa Europe“, објави Блумберг, повикувајќи се на извори запознаени со случајот.
Откупната цена би можела да изнесува меѓу 15 и 20 милијарди долари. Иницијалните разговори меѓу двете страни веќе траат, а по објавата на вестите акциите на компанијата „Visa“ скокнаа за 4,36 проценти на 69,48 долари.
Групацијата „Visa“ беше одделена пред својот IPO во 2007 година, „Visa Europe“ е во сопственост на повеќе од 3.000 европски банки.
Поради аранжманот од договорот, финансиските институции би можеле да ги присилат Американците на откуп на европските кредитни картички.