Русија и Кина потпишаа во петокот во Москва низа договори за продлабочување на економските односи, меѓу кои и договорот помеѓу Сбербанка и Кинеската развојна банка во вредност од шест милијарди јуани (966 млн долари) за финансирање на руската цементарница Еуроцемент.
Договорите се потпишани за време на средбата помеѓу рускиот претседател Владимир Путин и кинескиот претседател Сји Ѓинпинг, кој допатува во посета на Москва на обележување на 70-годишнината од победата над фашизмот.
Претставниците на Русија и Кина исто така потпишаа меморандум за изградба на брзата пруга Москва-Казан, во вкупна вредност од 1,068 билиони рубљи (20,7 милијарди долари). Планирано е целокуната должина на пругата да биде околу 770 километри, возовите да се движат со брзина од 400 км на час, а времето на патување помеѓу овие два града да изнесува три часа од сегашните 14.
Оваа пруга подоцна би можела да биде продолжена од Кина, преку Казахстан.
