Грција денес исплати нова рата во вредност од 200 милиони евра од долгот кон Меѓународниот монетарен фонд (ММФ), соопштија извори блиски до грчкото Министерсто за финансии.
Иако има финансиски проблеми поради доцнењето во постигнувањето на договор со своите кредитори за понатамошната помош, Грција успеа во неколку наврати да исплати дел од долгот кон ММФ.
„Траншата од кредитот ќе биде исплатена денес“, изјави рано утринава претставник на грчкото Министерство Димитрис Мардас, а парите еден час подоцна беа исплатени.
Наредната транша од заемот од околу 750 милиони евра, Грција треба да му ги исплати на ММФ на 12 мај. Извори блиски до грчката влада за Франс прес изјавија дека и тие пари ќе бидат исплатени навремено.
Грција е во должничка криза и во преговори со кредиторите, треба да спроведе реформи за од кредиторите да ја добие последната транша од финансиската помош од 7,2 милијарди евра.