Во Турција цените на мало во месец април пораснале повеќе отколку што се очекуваше и тоа главно се должи на зголемувањето на цените на прехрамбените производи.
Годишната инфлација во месец април е зголемена на 7,9 проценти од мартовските 7,6 проценти, пренесува АФП.
Централната банка на Турција ја зголеми неодамна прогнозата за стапката на инфлација за 2015 година, од 5,5 на 6,8 проценти.
Банката исто така потврди дека нема да ја зголемува референтната каматна стапка и дека размислува за други мерки за поддршка на турската монета.
