Серискиот „Peugeot 208 1.6 BlueHDi“ постигна нов рекорд во ниска потрошувачка на гориво при километражата на долгo растојание, тестирање кое беше спроведено под надзор на францускиот сојуз на автомобили, мотоцикли и велосипеди (UTAC).
Со неодамна претставениот редизајниран модел поминати се 2152 километри со 43 литри дизел гориво, што претставува просечна потрошувачка од 2.0 л/100 км.
Достигнување беше постигнато на крајот на април на тест патека на „Peugeot“ во Белшам, Франција. Патувањето траеше 38 часа, со менување на неколку возачи на секои 3-4 часа.
Тест-моделот бил со 100 коњски сили, сериски старт/стоп систем и 5-брзински мануелен менувач.
Автомобилот е од верзијата „Very Low Fuel Consumption“ (многу ниска потрошувачка на гориво), која е дел од палетата на моделот. Тој има перформанси за просечна потрошувачка од 3.0 л/100 км.
Со намалување на потрошувачката еколошката изведба на „208“ има аеродинамичен заден спојлер и користи гуми „Michelin Energy Saver +“ со ултра низок отпор при движење.