Меѓународниот монетарен фонд соопшти дека на Грција можеби ќе и биде потребен нов отпис на долгот, но негираше дека за оваа мерка се залагал на состанокот на еврогрупата во арпил…
„Во текот на минатомесечниот состанок на еврогрупата во Рига, ММФ не се залагаше за нов отпис на долгот на Атина, како што објавија некои медиуми“, се наведува во соопштението на овој меѓународен кредитор, пренесува агенцијата Франс прес.
„На тој состанок, директорот на Канцеларијата на Меѓународниот монетарен фонд за Европа, Пол Томсен, говореше за компромисот кој мора да биде постигнат поради достигнување на договор во актуелните преговори, како и за тоа дека колку повеќе договорените мерки и цели се одалечени од првичниот договор од 2012 година, толку повеќе ќе биде поголема потребата за дополнително финансирање и отпис на долгот со цел долгот на Грција да се направи одржлив“, се наведува во соопштението на ММФ.
