Катар ќе изгради седум градови кои ќе бидат дом на 258.000 мигранти-работници, а тие ќе ја градат потребната инфраструктура за организирање на Светското првенство во фудбал кое ќе се одржи во 2022 година.
Најголемиот од седум споменати градови ќе има околу 70.000 жители, а потребата се појавила откако се појавија голем број тужби дека Катар, односно најмногу градот Доха, не се грижи за животот на работниците, кои живеат на работ на егзистенција.
Доктор Абдула бин Салех ал-Кулафи, министер за труд и социјална политига рече: “Нацрт постои. Направивме потребна врска помеѓу седум градови, така што нашите работници ќе ги имаат сите услови за живот”.
