По петнаесетти пат Општина Прилеп денес го организираше проектот „Ден на идеи – Идеа плус за подобар Прилеп“.
Проектот наиде на голем интерес кај невладините организации, мали, средни и големи претпријатија и граѓаните кои доставија свои идеи за подобар Прилеп. Новите идеи кои граѓаните ги презентираа на повикот, беа разгледани во присуство на градоначалникот на Општина Прилеп, раководителите на одделенијата и директорите на Јавните претпријатија.
На 15-тиот по ред Ден на идеи беа предложени идеи поврзани со организација на повеќе настани од локален и национален карактер, повеќе предлози кои се дел од инфраструктурата на град Прилеп, приредби, манифестации.
Целта на овој проект е да се подобри и зацврсти комуникацијата меѓу граѓаните и општината и нивните замисли за подобар и поубав град.