Нешто повеќе од еден век му беше потребно на „General Motors“ (GM) да произведе половина милијарда возила. Гигантот од Детроит така стана првиот производител во светот кој направил 500 милиони автомобили.
Тоа значи дека од фабричките погони на сите автомобилски брендови кои се под „капата“ на „GM“ во просек излегувале преку 4.6 милиони возила годишно.
„General Motors“ е основана во 1908-ма година, a веќе неколку години подоцна компанијата можеше да се пофали дека во нивните автомобили се возат последниот кинески цар, Пу Ји, а потоа и првиот претседател на земјата со најмногу жители, Сун Јат-Сен.
До 1931-ва комапанијата веќе поседуваше три значајни светски автомобилски марки – британски „Vauxhall“, австралиски „Holden“ и германски „Opel“.
„GM“ за време на својата историја беше заслужен за бројни иновации во авто-индустријата. Меѓу нив се и првиот „V8“ мотор и автоматскиот менувач, но и првото воздушно перниче кое е вградено во еден сериски автомобил.
Првите стандардни кукли за испитување на безбедноста на автомобилот при незгода, исто така се дело на инженерите на „General Motors“.
Компанијата 2014-та година ја заврши зад „Toyotа“ и „Volkswagen“, како трет светски производител на автомобили со испорачани 9,92 милиони возила.
Дури и еден век порано, кога „GM“ испорачуваше автомобили за најголемите кинески државници, Кина потворно е во фокусот на американскиот гигант. До раст во продажбата во последните неколку децении дојде во голема мера благодарејќи на силниот продор на кинескиот пазар.
„GM“ во оваа земја има две сопствени авто-компании, додека соработка е остварена со уште 11 компании, па Кина моментално е најголемиот светски пазар за „General Motors“.
