Алис Манро е канадска писателка којашто е добитник на голем број книжевни награди и номинации, а во 2013 година ја доби најпрестижната награда, Нобелова награда во областа на литературата.
Нејзината последна збирка раскази „Бегалка“ е преведена на македонски јазик, во издание на „Бегемот“.
Таа е најпозната по својата вештина во пишувањето раскази, нејзини најпознати објавени збирки во последните неколку децении се, меѓу другите, Што се замислуваш? (1978); Месечините на Јупитер (1982); Бегалка (2004) итн.
„Ниту еден жив писател не може толку убедливо да пишува за „текот на љубовта“ како Алис Манро. Таа е жив џин на модерниот расказ, а нејзиниот чеховски реализам, длабоката психолошка интуиција, инстинктивното чувство за емоционалната аритметика на животот, оставија неизбришлив печат на современото пишување. Вештината на Манро во прикажувањето на човековите чувства и богатството на овие приказни, прави тие да делуваат како заокружени романи. Под нејзиното перо ликовите – жени од секакви средини и возрасти и нивните пријатели, љубовници, родители и деца – оживуваат како да ни се соседи. Бегалка е збирка од осум раскази која критичарите ја сместуваат на највисокото скалило од опусот на Алис Манро“, се вели за книгата.