„Nissan“ веќе работи на наследник на својот компактен кросовер „Juke“, кој треба да биде прикажан пред публика во 2016-та година. Ова го пишува „Autocar“ кој открива детали за моделот.
Во „Nissan“ не планираат радикални промени во дизајнот на возилото, бидејќи неговиот храбар и во голема мера контроверзен изглед го направи многу популарен. Сепак, се очекува следниот „Juke“ да добие некои црти, позајмени од концептот „Nissan Kicks“.
Главните измени ќе влијаат на техничките детали и опремата на кросоверот. Моделот ќе биде „преместен“ од старата „B0“ на новата платформа „CMF-B“, на која се изградени последните генерации на „Nissan Micra“ и „Renault Clio“.
Покрај зголемувањето на безбедноста и повеќе совршена архитектура, новата модуларна шасија ќе му помогне на „Nissan“ да ги намали трошоците за производство на моделот. Заштедените средства ќе бидат инвестирани во подобрување на квалитетот на внатрешноста и опремата на „Juke“.
Во палетата мотори на моделот се очекува да биде вклучен и 3-цилиндарски бензински мотор, кој се нуди на моделот со иста платформа како и „Juke“ – новата генерација на „Nissan Micra“.
