Грција може да добие до три милијарди евра како руски аванс во случај да склучи договор за изградба на транзитен гасовод преку нејзина територија за испорака на руски гас во рамки на проектот Турски тек, рече грчкиот премиер Алексис Ципрас во интервју за Стар ТВ.
Според неговите зборови, како резулат на реализацијата на проектот на територијата на Грција ќе биде изграден европски енергетски јазол, што ќе ја снижи цената на енергијата за Грција. Притоа, Атина смета дека услов за изградба на гасоводот е усогласеност со сите барања на европското законодавство.
Претходно германските медиуми објавија дека во рамки на договорот со Москва за Турскиот тек, Атина ќе добие аванс до пет милијарди евра, Меѓутоа, портпаролот на рускиот претседател Дмитриј Песков тоа го демантираше.
Русија и Грција ја разгледуваат можноста за изградба на грчки крак на Турскиот тек. Проектот, како што најавија претставниците на руската страна, може да го реализира руско-европски конзорциум во согласност со европското законодавство.
Гаспром има намера преку територијата на Грција да транспортира 47 милијарди кубни метри гас.
