Концернот „Daimler“ ќе пушти на пазарот луксузен кросовер под брендот „Maybach“. Тој ќе биде изграден врз основа на новата генерација на „Mercedes-Benz GLS“, пишува весникот „Autocar“.
Според директорот за продажба и маркетинг на „Mercedes-Benz“ – Ола Калениус, возилото ќе се појави до крајот на оваа деценија. Теренецот ќе биде опремен со 6,0-литарски „V12“ мотор, поставен на „Mercedes-Maybach S600“, но ќе има и послаба верзија со 4,0-литарски „V8“ мотор.
До крајот на годинава ќе биде пуштен во продажба и друг модел на „Maybach“, кој ќе претставува луксузна верзија на „Mercedes-Benz E-Class“. Овој автомобил ќе биде ориентиран претежно кон пазарите на Кина и САД.
Брендот „Maybach“ беше затворен во 2012-та година поради слабите продажби. Пред тоа производството на нејзините суперлуксузни и скапи модели, исто така беше запрено поради слични причини.
Сепак на крајот во „Daimler“ одлучија да го ревитализираат брендот, а моделите ќе ги базираат врз основа на автомобилите на „Mercedes-Benz“.
