Прва билатерална средба на експерти од областа на винопроизводството од Вардарскиот плански регион, и регионот Алзас, Франција ќе се одржи денеска, во хотелот „Гардениа“ во Велес.
Целта на средбата е воспоставување на долгорочна соработка на двата региони, размена на искуства, знаења и вештини помеѓу експертите, енолозите, винариите, лозарите и сите организации кои работат во областа на винопроизводството, развојот на винските патишта и винскиот туризам.
Во петок пак, во просториите на Општина Велес,во 9.30 часот, градоначалникот Славчо Чадиев, кој е и претседател на советот за развој на Вардарскиот плански регион и Жак Шлеф, претседател на АЛМА (Алзас –Македонија) ќе потпишат долгорочна Програма за соработка.
