Отсега граѓаните ќе можат онлајн да ја платат радиодифузната такса преку електронската услуга на Управата за јавни приходи, е-Радиодифузна такса.
Електронското плаќањето се врши со предходна бесплатна регистрација на е-Радиодифузна такса.
Плаќање на Радиодифузна такса за физичките лица е овозможено со платежните картички Виза, Маестро и МастерКард издадени од домашна банка.
Физичките лица кои се регистрирани во системот за е-Даноци со дигитален сертификат, не треба да се регистрираат, туку само со дополнување за интерна шифра од МРТ во својот профил, автоматски ќе им се овозможи да ги користат електронските сервиси за Радиодифузна такса.
