Европската унија (ЕУ) и одобри на Украина транша од кредитот во висина од 250 милиони евра, со што финансиската помош на ова земја сега изнесува 1,6 милијарди евра.
Оваа најава доаѓа во пресрет на самитот меѓу ЕУ и Украина во понеделник во Киев, на кој се очекува учество на претседателот на Европската комисија (ЕК) Жан Клод Јункер и високата претставничка на ЕУ за надворешна политика и безбедност Федерика Могерини.
ЕУ минатата недела усвои нова програма за кредит во висина од 1,8 милијарди евра за Украина.
Две третини од износот ќе бидат исплатени до крајот на годината, пренесува Б92.
