Малопродажните цени на нафтените деривати ноќеска на полноќ поскапуваат за 1,5 денари по литар, одлучи Регулаторната комисија за енеретика.
Литар еуросупер БС-95 ќе се продава по 69 денари, додека новата цена на литар еуросупер БС-98 изнесува 71,00 денар.
Новата цена на литар еуродизел 54,50 денари, додека екстра лесно масло за домаќинство (ЕЛ-1) ќе се продава по 43,50 денари за литар.
Малопродажната цена на мазутот М-1 НС се зголемува за 1,688 ден/кг, со што новата цена изнесува 27,928 ден/кг.
Просечната цена на сурова нафта на светскиот пазар во изминатиот 14-то дневен период е за 5,30% повисока од просечната цена на сурова по која беа формирани тековните цени на нафтените деривати.
Курсот на денарот во однос на доларот во изминатиот 14-то дневен период е за 0,542% повисок од курсот на доларот по кој беа формирани цените.
